acharya prabha: हाइेकु / सेन्यु, "रात ढल्दैछ "

Friday, May 30, 2014

हाइेकु / सेन्यु, "रात ढल्दैछ "

धमास,धम्की
च्यापेर आजसम्म
ऊ बाँचेको छ !!!

झुठको खेती
सोत्तर बन्न सक्छ
सत्यको सामु !!

चङ्गा झैं उड्छु
आकाश छुन भनि
गन्तब्य भुइें !!!

मीठो मायाको
तीतो यादहरुमा
चुर्लुम्म डुब्दै !!!!

धैर्यता भन्छ
नेता झैं नखेल है
घुम्ने खुर्सी खेल् !!!

कबड्डी खेल
बिपरित पार्टिको
नेता खेलाडी !!!

रात ढल्दैछ
कालो पर्दा हटाइे
नियम हो यो ।

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )