श्रिङारिक् गजल "पिरतीका कुराहरु गजलमा पोख्नु भन्छन्"
पिरतीका कुराहरु गजलमा पोख्नु भन्छन्
यौवनको भेललाई मनभित्रै रोक्नु भन्छन् ।
छताछुल्ल बैंश पोखी मात्तिएर हिँड्न हुन्न
उदाङो यो जवानीलाई शरमले छोप्नु भन्छन् ।
सुकुमारी बैंशभरी बरालिन्छ मन यसै
आफ्नो मन उमेरको तराजुमा जोख्नु भन्छन् ।
भाका हाल्दै शुसेल्दै नै गजल पनि गाउँ लाग्छ
आफ्नोलागी बरपनी आफैले नै तोक्नु भन्छन् ।
आँखाभरी मायाहरु सजाएर हिँडुदा खेरी
काउकुती भरिएका आशाहरु बोक्नु भन्छन् ।
रचना - सेप्टेम्बर/ १४/ १३
0 comments:
Post a Comment