acharya prabha: गेंडी

Tuesday, January 31, 2012

गेंडी

१ ) केही गेँडी आचार्य प्रभा

दही मीठो,एकराते ठेकीको
माया मीठो,भेटहुँदै देखिको
बनैमा ..........
आउ बस मेरो मनैमा ....../

२)

सिरिरिरी बतासै,चल्यो हेर सुस्तरी
बतासले उडायो,मजेत्रो नि कस्तरी
सरर ...........
बिछोडमा आसुँ बरर ..................../

३ )

चाँहिंदैन सम्पत्ति,माया देउ मलाई
तिमीबिना मर्नेछु, जिन्दगी यो जलाई
रुझाइ ...........
बाँचौला म, चित्त बुझाई.............../

(अगस्ट ५ २०१० )

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )