acharya prabha: गीत

Monday, January 30, 2012

गीत

हारिदिएँ सारा बाचा केवल तिम्रैलागी

तिमी भने स्वार्थी बनी गयौ टाढा भागी ...

एकपटकको धोकालाई मैले स्विकार गरेँ

सयौं पटक घाती बन्यौ मैले के पाप गरेँ ...

मारी दिएँ मनको खुशी सारा तिम्रैलागी

तिमी भने स्वार्थी बनी गयौ टाढा भागी ...

सबै खुशी लत्त्याएर तिम्लाई माया गरेँ

निर्दयी भई ओझेल भयौ दोधारमा परेँ ...

(२०६० साल संगीतकार राजुसिङ्) 2003

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )