Saturday, February 4, 2012
गज़ल
(प्रणय गजल )
स्वार्थले होइन मनले मायाको बिज गोडौँ न
प्रेमिल भावको स्पर्षले मनको नाता जोडौँ न ।
कलंक लिएर बोकेको मायाको के नै अर्थ र ?
छलेर गरेको मायाको निशानी आजै तोडौं न ।
मेहेनत गरेर प्रेमको बिजको अंकुर् पलाई
निश्छल मायाको बाटोमा पाइला आजै मोडौँ न ।
कुसंस्कार कुरिती फालेर मायालु सबै जोडीले
धुमिल मायाको रिवाज सँधैको लागी फोडौँ न ।
प्रितको शितल छाँयामा मायाको स्याँल तापेर
शितले शरीर काँपेमा मायाकै घुम्टो ओढौँ न ।
रचना - २ /१३ /२०११
0 comments:
Post a Comment