मुक्तक

त्यो आत्मालाई हिमाल झैँ उच्च बनाउ
नेपाली सब बीरजाती भनि जनाउ
जात,जाति केही होईन सबै हामी मानव
साँचो माया,तातो रगत देशमै खनाउ ....../

हिजोसम्म आफ्नो मान्छे आज पराई भयो
स्वार्थी बनी पिठ्युँ आज फर्काएर गयो
आफ्नो ठानी मनको बह सारा पीडा पोखेँ
उस्ले देको धोका मात्र आफ्नो साथ रह्यो ......../

किन होला आज भोली मन त्यसै चंचल हुन्छ
आफ्नो बसमा नरहेर कैले हाँस्छ कैले रुन्छ
पिरतीको मातले हो कि,यौवनको पल यस्तै
उस्को मीठो हेराईले मेरो अंग अंग छुन्छ ।

मनको शान्ति पखालेर सुख कहाँ खोज्छौ ?
आफ्नै मान्छे पराई ठानी बिख किन रोज्छौ ?
आफ्नो रगत जे गरे नी बग्छ तिमी भित्रै
पराईले धोका देलान् त्यो बेला के सोँच्छौ ??????