Friday, November 16, 2012
( गजल )
बिधुवाको सिउँदो जस्तो खाली भयो जीवन यो
आफैलाई धोका दिने जाली भयो जीवन यो ।
सोंचे जस्तो जीवनमा कहाँ हुँदो रैछ साथी ?
पत्कर् पनि स्वीकार् गर्ने माली भयो जीवन यो ।
जहाँ जाउँ स्वार्थै स्वार्थ कस्को मन सफा छ र ?
धोकामा नि बजी दिने ताली भयो जीवन यो ।
स्वार्थभरी रीत यस्तै जहाँ सत्य त्यँहा धोका
जती भर्यो रित्तिजाने थाली भयो जीवन यो ।
ओत लाग्ने ठाउँ छैन जहाँ जतै खुल्ला आकाश्
जती छायो भत्कि जाने पाली भयो जीवन यो ।
रचना -सेप्टेम्बर/ ५/ १२
0 comments:
Post a Comment