Monday, January 30, 2012
गज़ल,
राजनीति नपचेर अपहरण् नि गर्न थाल्यौ
पैसा पैसा भन्दा भन्दै घाँटी सेरि मर्न थाल्यौ ।
लुट्पाट् गर्ने मनभए सिधै डाका बने हुन्थ्यो
राजनेताको खोल ओढी आफ्नो झोली भर्न थाल्यौ ।
सोझालाई प्रयोग गरि आफ्नो दुनो सोझ्याउँथ्यौ
आकाश छुने भाषण थियो ओरालो पो झर्न थाल्यौ ।
कालो कर्तुत आफै गर्दै उल्टै बोली ठुलो पार्छौ
राजनीति नपचेर कालो धनमा चर्न थाल्यौ ।
जनतालाई मक्ख पार्दै मीठो भाषण दिने गर्थ्यौ
आफ्नो दोष लुकाउन बचन बाँण छर्न थाल्यौ ।
केहि जुक्ती नसुजेर पैसा हात पार्नलाई
मनावता बिर्सिएर मानव ज्यानै हर्न थाल्यौ ।
रचना -जनवरी /१९ /१२
0 comments:
Post a Comment