गरें की भूल यस्तरी मैले आँखामा बास मागी
भयो की गल्ती नमीठो गरि मनले आश मागी ।
तिमी नै थियौ मनको मेरो दर्हिलो साथ पनि
दुखाएँ मन शायद मैले साहारा खास मागी ।
भोग्दैछु आफै पीडाको मर्म तरेर आँशु भेल
बाँचुला भनि गरेछु भूल तिम्रो नै सास मागी ।
गरिन मैले कसैको भर छाडेर तिम्रो साथ
दिएर चोट रुवाएँ मैले मेरो नै लाश मागी ।
खोसेर हाँसो बिराएँ मैले भूलमा परेँ की त ?
स्वार्थमा डुबी बनेछु स्वार्थी सुखको रास मागी ।
रचना -सेप्टेम्बर ७ /२०१०
0 comments:
Post a Comment