गज़ल

मुर्ख बुद्धि लिनेलाई पढाई के हुन्छ र ?
भाइ, भाइ  एकार्कामा लडाई के हुन्छ र ?


सम्झाउँदा नमान्नेलाई बुझाएर हुन्न है
मुर्खसंग मित्रवत्  हात्  बढाई के हुन्छ र ?


जस्को  मुटु फलामे छ  सकिंदैन पगाल्न
उस्को मनमा  तिखो  काँढा  गढाई के  हुन्छ  र ?


मानवता बिर्सिएर देवताको दास् बन्दै
जन्तु मारी रगत बलि चड़ाई के हुन्छ र ?


आगो संग खेल्ने  हरु धेरै हुन्छन   अचेल
त्यस्ता  अघि आफ्नो मुटु  डढाई के  हुन्छ र ?


जस्को शीर झुकेकोछ समाजको अगाडी
उस्कै सामु देशको झण्डा ठढाई के हुन्छ र ?        


(रचना -नोवेम्बर ३० /२०११ )
ghayalko tarahi musayara