सत्यताको बारीमा नि असत्य पो फल्दो रैछ
गुम्बा मन्दिर चैत्य पनि अबिश्वासमा ढल्दो रैछ ।
प्राणी भन्ने जातै यस्तो अहँकारी मात्र बन्ने
एकार्काको विश्वास मासि आफुभित्रै जल्दो रैछ ।
मुर्ती ढुङ्गा पुज्दा मात्र मन चोखो हुन्न कैल्यै
धर्म गर्ने बहनामा अरुलाइे छल्दो रैछ ।
राम नाम साँझ बिहान मुखभरी जप्दै पनि
नक्कली त्यो मनभित्र पाप मात्र पल्दो रैछ ।
जस्ले धेरै दान गर्यो उसैको नै नाम अघि
खट्ने भन्दा बहादुरकै हैकम अझ चल्दो रैछ ।
(रचना जुलाइे/ १/ २०११ )
0 comments:
Post a Comment