Wednesday, February 8, 2012
गज़ल
दिउँला मेरो माया यो चोखो सधैं नै खुशी हौ
पुग्नेछ तिम्रो दिलको धोको सधैं नै खुशी हौ ।
आफुमा जस्तो पर्दछ पीडा सबै नै सहुँला
नदेख्न परोस् ति आँखा रोको सधैं नै खुशी हौ ।
ईश्वर भाक्छु तिम्रो नै लागी दुई हात् जोडेर
नहुनु कैले मायाको भोको सधैं नै खुशी हौ ।
सधैं नै बन्नु सबैकी प्रिय संसार भरिमा
म बनि दिएँ बलिको बोको सधैं नै खुशी हौ।
स्वतन्त्र बन्नु जीवनमा तिमी यहिनै कामना
खोल्दिन कैले मायाको पोको सधैं नै खुशी हौ ।
( रचना -अक्टोबर/ ९/ २०११ )
0 comments:
Post a Comment