गज़ल

 (बालापनको रहररुपी गजल )     

दोहोरिन्दै बालापन फेरि आए हुन्थ्यो 
उमेरले नयाँ जूनी फेरि पाए हुन्थ्यो ।  

बालपनको चोखो मन अब कहाँ मिल्छ ?
मनभित्र सुकुमारी उमेर धाए हुन्थ्यो ।  

रहरको खेती पनि कत्ती गर्नु हरे !
सपनामै भए पनि मीत लाए हुन्थ्यो ।  

तारा बाजी, भाँडाकुटी खेल खेल्दै आज
बर्तमानले अतीतसँग कसम खाए हुन्थ्यो ।   

फर्किएर शैशवकाल आउँदैन फेरि
चन्द्रमा झैँ किरण बनी फेरि छाए हुन्थ्यो ।
(रचना -२६ -१ -२०११ )