Sunday, February 5, 2012
गज़ल
(झ्याउरे छन्दमा सिर्जित बियोगान्त गजलको प्रयास )
कसरी उस्ले,भएको कुरा,ढाँटेछ सजिलै
किनपो हो नी,असत्य कुरा,साटेछ सजिलै ।
मायालु बन्ने,निहुँले हिजो,बनेथ्यो पागल
पागलै बनी,सत्यको बाटो,काटेछ सजिलै ।
असत्य शब्द,झुटको खेती,कहिले पाक्छ र?
उस्को नै मन,आखिर फेरि,फाटेछ सजिलै
अर्काको मन,चोर्नमा कत्ति,सिपालु थियौ नी
तस्बिर हेर्दै,मनको पीडा,चाटेछ सजिलै ।
भन्नु के मैले,बाँकी नै छैन,सम्झाउँ कसरी?
मायाको फूल,उमारे भन्दै,झाँटेछ सजिलै ।
0 comments:
Post a Comment