acharya prabha: गज़ल

Wednesday, February 8, 2012

गज़ल

       दु:ख अनी पीडाको नै सधैं माला उनें मैले
       कैले सम्म निराशाको मैलो जल छुने मैले ?

...    हाम्रो देशको राजनीती मदारिको खेल जस्तो
       यस्तो खबर सुनेर नै कती दिक्क हुने मैले ?

       गएछ है भुकम्प नि नब्बे सालमा गएसरी
       तिक्त बज्र पर्‍यो अरे यस्तै पीडा सुनें मैले ।

       देशको भलो गर्छु भनी दु:ख ब्यथा समेटेर
       छानी छानी त्यँहिबाट संघर्ष नै चुनें मैले ।

       सतीको नै श्राप हो कि किन यस्तो दीन दशा ?
       आफ्नै कर्म सम्झी सम्झी कती दिन रुनेँ मैले।

रचना - सेपेटेम्बर २१ दिनको २.४० ( अमेरिकी समय )

ghayalko tarahi musayara.

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )