दशैरुपी गमक गेंडीहरु
दशैँ आयो भनेर केटा केटी रमाँए
नयाँ नाना भन्दै नी बा'को हात समाँए
चाड्को लहर ...........,
दशै मान्ने हुन्छ रहर ......./
घर दैलो शुन्य भो छोरा टाढा गएर
चाडबाड मनाए सबै भेला भएर
आशिष् शिरैमा ............,
परदेशी पर्यो पिरैमा .........../
बन्चरीले दशै गीत् मीठो गायो भनेर
आमा बाटो हेर्दैछिन् छोरा आयो भनेर
ख्याल ख्यालैमा..........,
बाटो हेर्छिन् बसी झ्यालैमा ........./
यस्पालीको दशैमा खाली भयो निधार
भन्नुसाथ साहुले के पो दिन्थे बिदा र ?
मनै बिसायो ........../
बिदा माग्दा साहु रिसायो .........../
तिम्रो आशिष् पाँइेन यो पालिको दशैमा
आमा तिमी नरुनु आउँला म बसैमा
बस्नु हाँसेर ...........,
चाड मान दु:ख नासेर ............/
(रचना - सेप्टेम्बर/ २५/ २०११ )
0 comments:
Post a Comment