Tuesday, February 7, 2012
गज़ल
आशारुपी घुम्टो ओढेँ घात लाग्यो
निस्वार्थले काम गरेँ बात लाग्यो ।
यस्तै रैछ मेरो भाग्य अप्जस मिल्ने
पिइरैथेँ अमृत किन मात लाग्यो ।
जे जत्ती नै,गर्न खोजें राम्रो काम
आखिरमा सधैं शून्य हात लाग्यो ।
भन्छन् सबै जस लिन गार्हो हुन्छ
कलंकित बनी आज लात लाग्यो ।
कर्मरुपी फल पाएँ भन्थेँ मैले
जिन्दगी नै, हरे !कालो रात लाग्यो ।
जे जस्तो छ, चित्त बुझ्नै पर्ने अहो !
नजान्नाले पनि पीरको खात लाग्यो /
-सेप्टेम्बर ३ २०१०
0 comments:
Post a Comment