acharya prabha: गीत

Saturday, February 4, 2012

गीत

रचना:- प्रभा आचार्य
संगीत:- तुफान
स्वर:- काम चलाउ मात्र

पहाड मधेश जे भने नि नेपालीकै देश हो,
दौरा, सुरुवाल, फरिया, चोली नेपाली कै भेष हो........

पहाडमा फुल्ने गर्छ लाली गुराँस फूल
यस्लाइे बिर्स्यौं भने, हुन्छ ठुलो भूल........

एउटै पाईला चाल्नु पर्छ, चाल मिलाई²
मादलमा नै नाँच्न पर्छ, ताल मिलाई²........

डाँफे मुनाल जे भने नि नेपालकै धन हो
शिर ठडाइे जो बाँच्छ धाकले त्यही नेपालीपन हो

हिमालरुपी सुन्दरताले नेपाल हाँसेको छ
यहि देशको छहारिमा यो मन बाँचेको छ........

एउटै आवाज उठ्नु पर्छ भाका मिलाइे
बाँसुरिमा रम्नु पर्छ ब्यथा सिलाइे ................/

पहाड मधेस.......

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )