Wednesday, February 8, 2012
गज़ल
कस्तो यो आयो उराठ लाग्दो असहज् जमाना
कसैको घर बिगार्न लाई गर्दछ बहाना ।
पर्दैन जान शिकार गर्न जंगल झाडीमा
मान्छे नै बन्छ मान्छेको शिकार् गतिलो निशाना ।
रगत नाता बिर्सेर सबै अधर्म कमाए
आफन्त पनि पराई बनी बन्दछ बिराना ।
परिवेश् यस्तै बनेको छ है भोग्दैछन् सबैले
जिउँदै छु म मुटुका घाव मानेर स-साना ।
पौरख गर्न छाडेर अचेल् लुट्न पो थाले नि
सरकारी धन पचाई लाज बनाए खजाना ।
(रचना - जनवरी /११ /२०१२ )
0 comments:
Post a Comment