श्रिंगारिक गजल
सम्झनाले रचिएका शब्दहरु अति मीठा
कल्पनामा बाँधिएका पलहरु कति मीठा ।
भावनामा बहकिँदै अन्मोल सम्झी मायालाइे
भेटेका ति युगलका स्वर्णिम क्षण जति मीठा ।
प्रेमभरी अँगालोमा बाँधिएका प्रेमीबिच
माया मिसाइे बाँडेजति अनौठा ति रति मीठा ।
संसारले पाप सोंचुन्,धर्म सोंचुन् जे नै सोंचुन्
तर पनी दुई मुटुका ढुक्ढुकीका गति मीठा ।
मायालाइे समाजको कलंक नै सम्झे पनि
मायालुलाइे मायाले नै दिलाएका खति मीठा ।
समाजको दुश्मन बनि बाँच्न परे पनि आखिर
आफुलाइे मानि सहि मायालुकै मति मीठा ।
( रचना - जुन/ २/ २०११ )
0 comments:
Post a Comment