संघारमा झुल्के घाम मुस्काउँदै पस्यो है
मनोरम प्रकृतिको छाँया मनमा बस्यो है।
स्वच्छ आकाश निर्मल क्षितिज आहा!कति मनोरम
रातो लाली जग्मगाउँदा मन सबको कस्यो है ।
घामको झुल्को जब पर्दा चाँदी जस्तो हिमालमा
पश्चिममा क्षितिजले लाजको लाली घस्यो है ।
नीलो नभ छाँया बनी दहभरी फैलिँदा
प्रकृतिमा घाम जून नजानी नै फँस्यो है ।
जब सूर्य जग्मगाउँदै धर्तिभरी छाउँछ
सबलाई प्रीत गाँस्न उज्यालोले डस्यो है ।
रचना - १६/ मार्च/ १२
0 comments:
Post a Comment