acharya prabha

( कबिता ) "आफ्नै मनले खै के के भन्यो ?" आचार्य प्रभा 

प्रतिबन्धित म 
तिम्रो आँगनमा टेक्न 
तर...पनी
यी पाइेलाहरु अनायस 
बढ्न खोज्छन् 
तिम्रो प्रतिबन्धको 
तगारो ठेलेर पस्न । 
हो......न,त मैले 
कुनै सिमाको हेक्का राखें  
न,त मैले कुनै 
असम्भवतामा बिचार पुर्‍याएँ
त्यो सिमा नाँघ्न हुन्न भनी 
त्यो तगारो खोल्न पाउन्न भनी ।
यो मन यसै भ्रममा बाँची दियो 
यो अधर झुटो आशामा 
हाँसी दियो,
आखिर....,
सत्यको हाली मुहालीमा 
असत्य चाहना यसै मरिदियो । 
मैले बुझ्नु पर्ने,
मैले जान्नु पर्ने,
नदिका दुई किनारको त्यो अवस्था 
आत्मसात गर्नु पर्ने 
तर यो अबुझ मन 
त्यसै,त्यसै बहकिइे दियो 
अन्त्यमा त्यो आँगन 
बैरी बन्यो 
अनी.... त, 
आफ्नै मनले आफैलाई
अबुझ अनी बिस्थापित भन्यो 
खै!के के भन्यो,भन्यो .........../

रचना- मे/ १६/ १३ न्युयोर्क )