दु:खको भार थाप्लोमा राख्दै,बाँच्दैछु आज म
जिन्दगी आफ्नै नाटक सम्झी हाँस्दैछु आज म ।
जीवन कथा बुझेर आज जे जस्तो सोंचे नि
अमिट होला भनेर पीडा साँच्दैछु आज म ।
सत्यताभित्र बाँच्नु नै हेर जीवनको सार हो
मायाको डोरी नटुट्ने गरी गाँस्दैछु आज म ।
जिन्दगी एक अनेक कथा यस्तै छ ब्यथा नि
पीडाकै गीत रचेर पनि नाँच्दैछु आज म ।
संसार भन्नु यस्तै हो रे नाटक जस्तै नै
दु:खको काँडा सखाप गर्दै मास्दैछु आज म ।
रचना - सेप्टेम्बर -२४/ १३
0 comments:
Post a Comment