acharya prabha: रुबाइेयात (प्रेम दिवस सम्बन्धी)

Tuesday, February 11, 2014

रुबाइेयात (प्रेम दिवस सम्बन्धी)

हुँदैछ हल्ला प्रेमदिवसको चाँडै आउँदैछ रे
गुलाब फूल लिइे स्वार्थको गीत प्रेमीले गाउँदैछ रे
कस्तो अचम्म!प्रेमको पनि दिवस मान्नु पर्ने ?
उपहारको नाममा नक्कली माया प्रेमीले लाउँदैछ रे ।

प्रेमदिवस मनाउने निहुँमा मायाको अमृत छर्क्यौ
अहिले भने प्रेमप्रस्ताव बिर्सी अन्त नै तिमी फर्क्यौ
मायाको सार दुईमुटु मिली जीवन बिताउनु थियो
लाएको प्रेमलाई बिर्सेंर आज झडंगै किन झर्क्यौ ।

नजिकमा मात्र उपहार दिइे मायाको ढोङ रच्यौ
भेट हुन साथ मायालु भन्दै अंगालोभरी कस्यौ
मपनी तिम्रै मायाको खेलमा अन्जानैमा फँसें
मायाको खेलमा हारेर होकी टाढै नै आज बस्यौ ।

0 comments:

Post a Comment

मेरो संसार

जलाइे नदेउ मेरा उद्गारहरु
म जलेर गएपनी,
समेटी देउ मेरा उपहारहरु
म मरेर गएपनी ........../

साहित्यकाशको उडानमा पंख फिँजाउँदै उड्न चाहने नाम मध्ये सबैले चिन्ने नाम हो,आचार्य प्रभा। यो उडान बिगत २०३४ सालदेखी हालसम्म जारी छ तर कहाँ गई यस्ले अडान लिने हो वा कहिलेसम्म यो उडानको गन्तब्य पुरा हुने हो ?अझै निर्क्यौल हुन बाँकी नै छ । हेरौं प्रयास जारी छ । संगत त साहित्यकाशका नक्षत्रहरुदेखी लिएर अहिलेका लेखन क्षेत्रमा कलम चलाऊँदै गरेकाहरुका सम्म गरियो र गर्दैछु तर मेरो भित्री आत्माले भन्नु पर्दा अहिलेको संगत मलाई फापसिद्ध लाग्छ किनकी अहिले हामी प्राविधिक कुराको सहयोगले एकार्काका रचनाहरु सहजसँग हेर्ने र एकार्कामा आफ्ना कमी कम्जोरी र भावना बाँड्न सक्षम छौं ।
मित्रहरु/पाठकहरु फूलबुट्टा त जती भरे पनि हामीलाई चित्त बुझ्दैन त्यसैले मैले आफ्नो बारेमा धेरै बोल्न उचित ठाँनिन कारण म औसतसँग परिचित नै छु शायद । अत:मेरो झन्डै दुई जुग बित्न लागेको यो आकाँक्षालाई यहाँहरुले अझै परिमार्जन गर्ने हौशला दिनुहोस् । म जे लेख्छु,ती सबै संसारका यावत कुराहरु नै लेख्छु । हो,कल्पनामा भावनालाई सजाएर लेख्नु पनि मेरो सौख हो । आउनुहोस् मसँग हातेमालो गर्नुहोस् । यो ब्लगलाई अझ अमीट पार्न यहाँहरुका सत्य/तथ्य र सकारात्मक सन्देशहरु दिनुहोस् । आचार्य प्रभा सधैं आफ्नो यो कटेरोको दैलो खोलेर यहाँहरुलाई स्वागत गरेर बस्ने छ ।
धन्यबाद !

यहाँहरुकै सहयात्री
म आचार्य प्रभा
दमक झापा ११ ( नेपाल )
हाल -प्रवासी जीवन ( अमेरिका )